(( ابن العَدوّة عَدّا وعَدّانِي... وابن الحَبيبة راح وخَلاّنِي ))
مثل شعبي بتحكيه والدتي من فتره لأخرى.. مثل بيحكي قصة.. قصة امرأة عجوز داهم السيل بيتها وكانت بحاجة لمين ينقذها من الغرق.. لكن ما كان عندها قارب لينقذها.. وكانت أضعف من إنها تسبح وتجتاز السيل لوحدها.. فاستنجدت بالناس.. طلبت من حدا منهم إنه يحملها بس ما حد اهتم إنه ينقذها.. لحد ما مر شخص هي بتعرفه فتفاءلت.. كان هالشخص ابن بنتها أو " ابن الحبيبة " زي ما وصفته بالمثل لانه البنت حبيبة أمها.. لكن ابن الحيبة تنكرلها وعدّا السيل لحاله ولا كإنه شايفها.. ولما كادت تفقد الأمل.. مرعنها ابن ابنها "ابن العدوة" لإنه الكنّة عدوة حماتها.. بس ابن العدوة ما هان عليه يترك الجدة تموت بالسيل.. فحملها على ظهره وعدّا فيها وأنقذ حياتها..
القصة وكإنها فيلم درامي.. بس المهم العبرة من ورا القصة.. هالجدة بدها تحكيلنا إنه الخير إجا مع ابن الولد مش مع ابن البنت واستمرار حياتها كان بفضل ابن الولد..
القصة هاي مش علشان تفضيل الولد على البنت.. لا أبداً.. القصة هاي بتحكيلنا انه ابن الولد بيعتبر الجدة من أهله وبتعنيله لإنها ببساطة من طرف الوالد فلازم ينقذها.. بس بالنسبة لإبن البنت هي من طرف الأم إذا هي مش من أهله.
كلنا بننولد وبناخد اسم الأب وبنتربّى على إنه أي حد إله اسم عيلتنا فهو من أهلنا.. بنسمع مثل تاني بيحكي " أنا وابن عمي ع الغريب " وحتى لو كان هالغريب ابن خالي أو ابن خالتي بما انه ما بيحمل اسم عيلتي فهو ببساطة غريب.. بنسمع المثل " العم ولي والخال خلي " وبنفضل الأعمام على الأخوال وبنقدمهم ليحكوا بالنيابة عنا وليتولوا زمام الأمور... ليش؟ لإنهم ببساطة من نفس اسم العيلة...
أنا ما بعرف من وين مصدر هالفكرة " المسمومة " وراح أسميها مسمومة لإنها مفاضلة غير عادلة أبدا أبدا، يمكن جذورها بتمتد لأيام الجاهلية، ورغم إنه الإسلام عمل جهده لمحي هالأفكار ما زالنا بنتبناها بكل ثقة وفخر وبنعلمها للأولادنا وكإنها حقيقة واقعة.. بنسرد الأمثال والقصص اللي بتعلمنا نعيش بهوية أهلي وأهلك.. وبعد هيك بنسأل وبكل جرأة...
هالقصة اللي أنتجت المثل ممكن تكون صحيحة.. ولو إني بميل لإنها مجرد كذبة وحدة اخترعتها لتعزز الفكرة في نفوس الناس.. بس لو كانت صحيحة فبعتقد إنه الحفيد اللي ترك جدته لتواجه مصير الغرق ببساطة " نذل ".. وما إلها أي علاقة بدرجة القرابة.. لإنه ما فيه حد عنده ضمير بيترك محتاج بدون مساعدة.. وأي واحد منا لو شاف ضعيف لا يمت له بأي صلة بحاجة لمساعدة فراح يبادر بمساعدته بدون تردد من منطلق الإنسانية البحتة..
القصة هاي مش علشان تفضيل الولد على البنت.. لا أبداً.. القصة هاي بتحكيلنا انه ابن الولد بيعتبر الجدة من أهله وبتعنيله لإنها ببساطة من طرف الوالد فلازم ينقذها.. بس بالنسبة لإبن البنت هي من طرف الأم إذا هي مش من أهله.
كلنا بننولد وبناخد اسم الأب وبنتربّى على إنه أي حد إله اسم عيلتنا فهو من أهلنا.. بنسمع مثل تاني بيحكي " أنا وابن عمي ع الغريب " وحتى لو كان هالغريب ابن خالي أو ابن خالتي بما انه ما بيحمل اسم عيلتي فهو ببساطة غريب.. بنسمع المثل " العم ولي والخال خلي " وبنفضل الأعمام على الأخوال وبنقدمهم ليحكوا بالنيابة عنا وليتولوا زمام الأمور... ليش؟ لإنهم ببساطة من نفس اسم العيلة...
أنا ما بعرف من وين مصدر هالفكرة " المسمومة " وراح أسميها مسمومة لإنها مفاضلة غير عادلة أبدا أبدا، يمكن جذورها بتمتد لأيام الجاهلية، ورغم إنه الإسلام عمل جهده لمحي هالأفكار ما زالنا بنتبناها بكل ثقة وفخر وبنعلمها للأولادنا وكإنها حقيقة واقعة.. بنسرد الأمثال والقصص اللي بتعلمنا نعيش بهوية أهلي وأهلك.. وبعد هيك بنسأل وبكل جرأة...
لماذا العصبية القبلية؟
هالقصة اللي أنتجت المثل ممكن تكون صحيحة.. ولو إني بميل لإنها مجرد كذبة وحدة اخترعتها لتعزز الفكرة في نفوس الناس.. بس لو كانت صحيحة فبعتقد إنه الحفيد اللي ترك جدته لتواجه مصير الغرق ببساطة " نذل ".. وما إلها أي علاقة بدرجة القرابة.. لإنه ما فيه حد عنده ضمير بيترك محتاج بدون مساعدة.. وأي واحد منا لو شاف ضعيف لا يمت له بأي صلة بحاجة لمساعدة فراح يبادر بمساعدته بدون تردد من منطلق الإنسانية البحتة..
طبعا ً التعميم من وراء القصة و المفاضلة المغلوطة مرفوض تماما ً و أبدا ً!
ردحذفبتفق معك إنها سموم ، و بتتغلغل فينا من جيل لجيل
بنحكيها مرات كثير على سبيل المزاح بس ما بنقدر ننكر إنو إلها تأثيرات حقيقيّة علينا و على حياتنا.
للاسف كتير امثال بنتناقلها ما بتنادي الا بأسؤ الامور و الصفات
ردحذفعداوه ومذله ورضا بواقع بدون اي تغيير
بالعاده بحس العالم بتميل لأهل الام اكتر من اهل الاب ما بعرف ليش :$ وانا كعمه اكيد هالشي ما بعجبني :)
زي ما حكيتي هي نذاله لانه الشخص الطبيعي بدون ما يعرف مين الشخص ومن وين اذا بحاجه للمساعده بساعده فورا
يا ريت تصيري كل فترة تكتبي عن مثل و تناقشيه و يصير زي المسلسل مثلا :)
ردحذفالشيشاني:
ردحذفأهلا وسهلا فيك وبتفق معك تماما إنها حتى لو بتنحكى على سبيل المزاح فإنها بتترك أثر فينا وتلقائيا وبدون ما نحس بنحاول نتمثل وفيها ونطبقها أحيانا وشوي شوي بتصير وكأنها حقيقة واقعة..
ويسبر:
أولا حمدلله على السلامة.. سمعت إنك رجعت لأرض الوطن :))
بالنسبة لميل الناس لأهل الأم أكثر فكلامك صحيح.. بس بيتهيألي إنه الميل أكبر لما يكون فيه جمعات وزيارات بالنسبة إلنا البنات... بس لما يصير فيه طوشة وبدها فزعة؟؟
أنا يا ستي عمة وخالة بس المسألة بالنبسة إلي وحدة.. المحبة قابلة للزيادة بالجوائز إنتي بس دايما إرشيهم بالحلو والبسكويت وشوفي كيف راح تكوني أحلى وأغلى من الكل :)
غير معرف:
ههههههههههههه... عجبتني هاي قصة المسلسل :)
خلص راح أقعد مع نفسي وأعصر ذاكرتي وأسجل على دفتري كل اللي بعرفه من أمثال غبية وأناقشها من فترة لفترة..
شكرا على مرورك وأهلا وسهلا بك دائما :))
صباحك سعيد كيكي
ردحذفأنا بضم صوتي لصوت الأخ غير معرف
انو يا ريت تسوي مسلسل الأمثال
لأنو كتير استمتعت بالسرد والربط
بالمصري يعني
(طالع من بؤك زي العسل)
وباللبناني
( كتير مهضومة الحكاية)
وبلغتنا الدفشة
( طقععععععع)
كل الود كيالة وارجو انك تسوي مسلسل الأمثال
نادر:
ردحذفيسعد صباحك ومساك :)
مالك هاليومين؟ تعليقاتك متعددة اللغات واللهجات :)
يا سيدي تكرم وعلشان خاطرك وخاطر "غير معرف" راح أحاول أعمل مسلسل أمثال..