31‏/12‏/2010

حصاد العام 2010

كــــــــــــــــل عـــــــــــــــام وأنتـــــــــــــــــــم بخيــــــــــــــــــر


الصديق الذي أرسل لك التدوينة؟

الشيشاني كثير الغلبة :)

السؤال الأول: ما هي اهم الأحداث التي طرأت على الصعيد المهني - التعليمي لهذا العام؟

والله على الصعيد المهني كان فيه حدث مهم هو إني عملت طوشة كبيرة بالشغل واشتكيت على كل حدا أعلى مني، طبعا كان الحق إلي لإني كنت مظلومة وبشتغل أكثر من غيري، وغيري مرتاح، يعني سياسة "خيار وفقوس" وطبعاً أنا الفجل !
وطبعا وكالعادة ما استفدت لإنه شكله ما فيه حدا بياخد حقه هالأيام، لا وطلعت على راسي وأنا مهددة السنة الجاي بنقل "لأسباب فنية" على أساس إني "زائدة" في موقع عملي، وطبعاً هاد سبب وهمي بس بدهم يخلصوا مني!! 

السؤال الثاني: ما هي أهم إن الإنجازات على الصعيد الشخصي و الأسري؟

والله لا شيء جديد، ما زلت و- لله الحمد - حرّة مستقلة ورئيسة جمهورية نفسي، وهذا أجمل ما في العزوبية!
ما زلت أسكن في نفس البيت ونفس الحي من 20 سنة، بحب بيتنا وحارتنا وجيرانا وبساطتهم وسذاجتهم، وهذا أجمل ما فيهم.
 
السؤال الثالث:ما تقييمك العام لسنة 2010؟

أعتقد أنها كانت سنة جميلة، هادئة، فيها السيء والجيد، لكن يمكن الجيد غلب السيء، توطدت علاقاتي أكثر مع الأصدقاء، جميع أفراد أسرتي بخير وأحوالهم المادية والإجتماعية في تحسن.
وأهم وأفضل ما فيها هو بدأ هذه المدونة واللي قدرت فيها أفش غلّي وأفرّغ ملاييين الأفكار اللي كانت عامليتلي صداع، وأتعرف على كثير من المدونين الرائعين وأكون معاهم صداقات متينة.  

السؤال الرابع: أهم طموحاتك و أهدافك للسنة الجديدة 2011؟؟

1. راح أتمتع بحريتي أكثر وأكثر وأكثر هذا العام .

2. شراء السيارة، وإنشاء الله قريباً، على الأغلب في صيف 2011 راح أكون جمعت مبلغ ملائم كمقدّم للسيارة. 

3. قراءة كتب أكثر من العام السابق، وقائمة الكتب الجديدة جاهزة واشتريت أغلبهم حتى قبل ما السنة تبدا. ( طول عمري مجتهدة )

4. على المستوى الشخصي سأحاول أن أكون شخصاً أفضل هذا العام، راح أعصب مرّات أقل وعلى فكرة أنا من النوع الذي يغضب بسرعة شديدة للأسف! وراح أحاول إني أستوعب الناس أكثر (أحاول)، وراح أحاول إني أطنش وأطنش وأطنش...

5. وأخيراً بتمنى هالسنة أروح عمرة، يا رب تتيسر الأمور ب (المحرم) أصله ما حدا راضي يروح معي، الله يكتبلنا إياها يا رب.

اختر أسماء أصحاب 5 مدونات للمشاركة
 

هناك 25 تعليقًا:

  1. (سياسة "خيار وفقوس" وطبعاً أنا الفجل !)
    على اساس أنه الفجل رخيص يعني؟!!!
    ذكرتيني بقصة ربطة الفجل لكن طويله شوي و ساكتبها تدوينه مستقله:) شكرا الك على الفكره.


    يا ست كيكي...كل عام وانتّ بالف خير
    وان شاء الله ربنا يوفقك لكل الاشياء اللي ناويه تعمليها وينصرك على الخيار والفقوس يا رب.

    ردحذف
  2. السلام عليكم
    الاول شكرا ليكى كتير على بساطتك وصراحتك
    ثانيا الله يسامحك على التدبيسة دية هو انا كنت عملت فيك ايه
    بس نفسى اسأل سؤال (لية انا )
    عموما الرد قريبا بعد ان انهى الموضوع الذى اتكلم فيه
    ثالثا بتمنى تروحى عمرة وتشترى عربية ومتبقيش رئيسة جمهورية نفسك بس تبقى وزيرة مالية بيتك
    بتمنى تتفوقى لأكتر واكتر
    واخيرا شكرا على التدبيسة وتترد له فى الافراح ان شاء الله
    سلام عليكم

    ردحذف
  3. على يرو خيار وفقوس انا ما رح ارحخم اي واحد من زملاء العمل لانهم غدارين ...

    اسف مع احترامي للعاملين في الوظيفة العمومية مش مناح ... مع اني منهم ..
    هاي السنة رح احاول اغير من حالي ..
    ومش غلط الواحد يتعلم من اغلاطوا مع الناس ...

    وكل عام وانتي بخير

    ردحذف
  4. رئيسة جمهورية نفسي

    enty 3a rasy Kiki!
    :DDDD

    ردحذف
  5. آنسه كيكي

    كل عام وانت وجميع الأهل والأصدقاء والأحبة بألف ألف خير .

    أتمنى أن تحققي كل أحلامك وأمنياتك مع هذا العام الجديد وأن تكون سنة خير على الجميع يا رب .

    بالفعل من أجمل ما كان في عام 2010 هو التدوين الذي جمعنا وأتاح الفرصة للتعرف على أشخاص رائعين مثلك .

    أنت أول معلمة لي في الواجبات التدوينية ولا نتأخر عن التنفيذ أبدا :)

    كل عام وانت بخير

    ردحذف
  6. عفكرة عليك واجب جديد! "لأ بمزح، بلاش يوصلنا من العصبية (جانب) "

    شكرا ً للحل ، و يا رب سنة 2011 تكون أحسن على كل الأصعدة

    شو نوع السيارة؟ :)

    ردحذف
  7. nice blog, enshallah elsaneh eljai tkon a7la o a7la 3lena o 3lekm

    ردحذف
  8. نيسان:
    كل عام وأنت بخير..

    صحيح إنه الفجل غالي بس ما تنسي إنه طعمه مو زاكي وكمان بعمل غازات!!
    والله يسمع منك وننتصر..

    بنستنى قصة ربطة الفجل بفار الصبر..


    رحلة حياة:
    ليه إنت؟ ما فيش سبب محدد الفكرة هي نتعرف على بعض أكثر ونتقرب أكثر..
    شكرا لك ولتعليقك اللطيف... بس ما حدش بيكون رئيس جمهورية وبعدين بيصير وزير.. راح أضل رئيسة جمهورية حتى لو اتدبست وتزوجت أكيد :)

    ردحذف
  9. finalway:
    كل عام وإنت بخير...
    كل من توظف بالوظيفة الحكومية بيعاني بس شو راح نعمل أحسن من بلاش!!
    وأغلب زملاء العمل للأسف سيئين واللهم نفسي..
    إنشاء جميعا نكون أشخاص أفضل مع العام الجديد.. وكل عام وانت بخير.


    rain:
    يسلم راسك يا حلو :)
    تحياتي وكل عام وإنت بخير

    ردحذف
  10. أشرف:
    كل عام وأنت والأهل بخير وبصحة وسلامة
    سنة خير إنشاء الله علينا وعلى جميع المدونين.. وإلي الشرف بالتعرف عليكم وعلى جميع مدوني لأردن والعالم العربي :)
    أكيد ما راح تتأخر في التنفيذ فأنت مجتهد دوما
    مساءك سعيد..


    هيثم:
    كل عام وأنت بخير :)
    كدت إني أعصب ..
    شو نوع السيارة؟ أكيد سيارة الطبقةالكادحة في الأردن... كيا سيفيا :)


    Gemini girl :
    شكرا لك ولمرورك الأول وأهلا وسهلا بك..
    يا رب سنة خير علينا وعليك وكل عام وأنت بخير...

    ردحذف
  11. الله يعينك على شغل الحكومه....طبعا بحكي بلسان اللي ترك الحكومه و ان شاء الله ما برجعلها
    الظلم متأصل...ومدامك مكروهه اذا هاد تأكيد انك مخلصه بشغلك و بتحبيش العوج :)

    وجودك في عالم التدوين هو شي حلّى ال 2010 بالنسبة النا
    الحمد لله انها كانت سنة منيحه و ان شاء الله السنة هاي -بما انّا بديناها - تكون سنة خير كمان و تحققي كل اللي ببالك :)
    وكل سنة وانت بالف خير

    ردحذف
  12. فكرت ميتسوبيشي لانسر :]]]

    مالها الكيا ، ياما فادتنا أيام الجامعة :)

    لا تجيبي لون شفنكحي بس ، لوول

    ردحذف
  13. كل سنة وأنت بألف خير وسعادة، أختي الفاضلة..

    وإن شاء الله تكون أحسن من سابقاتها..

    كنت هنا..

    ردحذف
  14. بتعجبيني يا بنت ^_^
    بيعجبني اللي بيدافع عن حقوّ و اللي بتحب تكون رئيسة جمهوريه حالها (: و بيعجبني المجتهد واللي شو ما صار بدو يحقق أهدافه (:
    (المحرم) !!! معناتها مش راح تروحي لا عمرة ولا حج ! نص مشاغلنا واقفه بسببهم ونص أحلامنا مخنوقة بسببهم ونص صبرنا نفذ بسببهم ونص أمراض الأعصاب اللي صابتنا بسببهم , الله ياخذهم ويريحنا منهم !! <<< كأنو أنا عصبت وانفعلت ؟؟!! لول..

    شكراً ع التدبيسة كيكي ^_^ وان شاء الله بعملوّ بأقرب فرصة ..
    دمتِ متألقــة (:

    ردحذف
  15. ويسبر:
    كل عام وإنت بألف خير

    إنشاء الله عمرك ما ترجعي عالحكومة.. بس شفتي كيف الموازين مقلوبة إذا بتشتغلي صح بيكرهوك .. عجايب..

    عالم التدوين حلى ال2010 بالنسبة إلي لإني تعرفت عليكم :)

    بإذن ربنا تكون سنة خير على الجميع


    هيثم:
    (ميتسوبيشي لانسر )؟
    على قد لحافك مد رجليك.. أنا موظفة حكومة :)

    راح أحاول أختار لون مقبول.. بلكي مش أبيض ليفكروني سرفيس وكل العالم تشاورلي :)

    ردحذف
  16. خالد:
    كل عام وأنت بخير وبإذن الله سنة خير علينا جميعا :)
    وشكرا على مرورك..


    Bullet:
    كل عام وأنت بألف خير :)
    (( الله ياخذهم ويريحنا منهم !! ))
    ربع ساعة وأنا بضحك .. ولسة بضحك :)
    والله أنا كمان مرات بيجيني هالشعور!

    دمت بخير وبستناك تحلي الواجب.. بعرف إنه يمكن عندك هلأ امتحانات فخدي راحتك بالحل..

    ردحذف
  17. اوف انا معمولي تاج و ما حدا حكالي!!

    صحيح و مالها الكيا سيفيا سيارة الشعب ! مش المهم سيارة باربع عجال!

    ردحذف
  18. د. وحل:
    الحق علي كان لازم أترك تعليق بمدونتك بس نسيت!
    بس شو لتكون إنت كمان بتسوق كيا سيفيا؟
    بنستناك تحل الوجب ترى :)

    ردحذف
  19. السلام عليكم
    حليت واجب حضرتك
    بعنوان حكاية
    اقرأيه وارسلى الى رأيك
    تقبلى مرورى
    دومتى بخير

    ردحذف
  20. الست كياله ششكرا انك حالة الواب نتعرف عليك اكثر وان شا اللة السنه جميله عليك
    شكرا للشيشاني كمان
    وعقبالنا يارب تتشابه احلامنا احيانا

    ردحذف
  21. صباح الخير: @العفو :]]] "هيثم الحشري.. أجنّن و أنا حشري"

    ردحذف
  22. الاخت صاحبة مدونة صباح الخير:
    شكرا لك ولمرورك وإنشاءالله تتحقق أحلام كل العرب في هذا العام الجديد :)

    شيشاني:
    والله حشري وكثير غلبة :)

    ردحذف
  23. لازم أشد حيلي لكان! لأني أنا كثير كثير غلبة المفروض! مو كثير وحدة!

    I`m losing my touch!
    :P

    ردحذف
  24. شيشاني:
    لا أرجوك لا تشد حيلك.. بعتذر مش كثير غلبة ولا شي .. بس بلاش تاج جديد!!

    ردحذف