11‏/01‏/2012

فيلم أمريكي طويل





عزيزتي الحكومة..
عندما قضيت الشهور الطوال في الترويج لفيلم القرن.. (( إعادة هيكلة التنـّين في رفع رواتب الموظفين ))..
وتراصصنا بالطوابير أمام شباك التذاكر..
وحبسنا الأنفاس.. بانتظار المخرجات الخرافيّة..
وتابعنا البطل يحاول فك الشيفرة الخنفشاريّة.. 
لينقذ العالم من انفجار كوني محقق..
ويضرب بأنامله مفاتيح الحاسوب بسرعة فائقة..
والعمليات الحسابية المعقدة تتسارع على الشاشة..
وتضرب الأساسات بالعلاوات وتطرح العشرات من الخصومات..
والعرق يتصبّب.. وقد بلغت القلوب الحناجر..
وهبطت المخلوقات الفضائيّة..
وفجأة..
وفي غمرة اللامنطقية والكآبة..
إذ بالسر ينكشف.. وإذ بالرقم الغامض ينعرف..

(12) ديـنــــار...
والذي لا يكفي لشراء فردة (حفـّـاية)..

عندها فقط.. ومع هذه النهاية (الهولووديّة)..
كان لزاماً علي أن أقف وأصفق وأصفق وأصفق لهذه العبقريّة..
وأنا أنشد بحماسة أغنية النهاية..

حكومتنا الرّشيدة.. لاكتب فيكي قصيدة.. شو ما قلتي.. شو ما عملتي.. صفـّينا عالحديدة..
و لولولولولولووووووولييييييش !


تنويه:
كلمة (حفـّـاية) تعني شيء ما يلبس في القدم وهي ترادف كل من الكلمات التالية:
خفّ.. شبشب.. بُلغة...  إلخ

هناك 12 تعليقًا:

  1. ههههههههههه وان شاء الله كنتي متأمله يجيكي مائه وعشرين دينار زياده ؟؟؟
    يا ستي حتى المايه وعشرين دينار يا دوب يعملوا شي محرز

    عزيزتي حكومتنا الرشيده يا ريت تلتهي بشي احسن وافيد للشعب مثل الخطط التنمويه والمؤتمرات التنفيذيه والسياسات الاقتصاديه وبلاش تلعبي بأعصاب الشعب اكثر من هيك :)

    ردحذف
  2. الله يسامحك يا كيّاله...معقول تاكلي الفيلم و تنفقسي كل مرّه قصدي بكل اجزاءه!!!

    بتزكر اخر مرّه زادو الرواتب و اخدت ولله الحمد 12 دينار برضه و صارت زيادتنا السنويه 3 دنانير بدل دينارين و اللي صارت 2,70 بعد الخصومات و المستنقعات واحد من الموظفين مش عارفه كيف حاسبينله اياها وبدل ما يزيدوه خاصمين عليه اشياء من الراتب :)

    ردحذف
  3. That was very funny. From what I hear 12 JD hardly can buy anything worthy now.
    Allah ye3en elsha3ab
    p.s. i don't have arabic keyboard on this computer.

    ردحذف
  4. الله المستعان

    مساك الله بالخير
    ههههههههه
    نضحك ولا نبكي : ( :
    الحال من بعضه في كل الأوطان
    غيركم شحططوه مشاوير
    طلع اسمك يا حبوب بكشف العمل
    نهايتها طلع الغفير يردد :(
    فين الواو سين ؟؟؟
    من غيرها لا طحين ولا عجين

    الله ينتقم من المجرمين

    أمتنا ثرية بيد حراميه

    نسأل الله أن يهدي الامة ويزيل الغمة

    ردحذف
  5. رح احاول اتابع الفلم و اعمل رأيي النقدي عنو بأسرع وقت ممكن ..
    سواء اكنت موجود فوق الارض او ...
    في المنفى خلينا نقول ..

    لوووول

    ردحذف
  6. نبسان:
    والله كنت متأملة شي 40 ولا 50 دينار ما هم سطحونا وهمو يحكوا ( زيادة سيلمس أثرها المواطن).
    والله لعب بالأعصاب.. الله يسامحهم بس!


    ويسبر:
    شايفة بالله ولا بتعلم. كان لازم أفهم إنه هالمرة زي كل مرة.. ويا حسرة.
    لا تذكريني بالزيادة السنوية، بآخر شهر 12 ترفعت للدرجة الخامسة ولما نزل كشف الراتب الجديد لقيتهم لسه محاسبيني على الدرجة السادسة وراحت علي الزيادة!

    ردحذف
  7. jaraad:
    أولا مسموحلك تعلق بكل اللغات المهم المشاركة :)
    ثانيا: مش ال 12 دينار وحتى ال 50 دينار هالأيام ما بيعملوا إشي محرز، الله يعينا ويتوب علينا.
    تحياتي وبيسعدني إنه البوست عجبك وضحكك :)

    ردحذف
  8. غريب:
    بإمكانك أن تضحك، فالبكاء لن يغير شيئاً لذلك فالضحك أفضل.
    الله يسمع منك ويستجيب لدعائك ويفرجها علينا..
    تحياتي وشكرا لمرورك.

    finalway:
    تابع الفيلم على مهلك وانتقد على كيفك بس النهاية المعته ما راح تتغير.
    دمت بود

    ردحذف
  9. ههههههههه
    والله بجد ضحكتيني
    بس احكيلك شغلة
    انا فكرتو فيلم هندي
    ولما ما لقيت اغاني
    حسيتو امريكي
    ولما قرأت النص
    بصراحة
    لقيته عربي بجدارة
    ذكرتيني ايام ما كنت اشتغل
    كانوا يتخمونا بالوعود
    ثم يأتي التنفيذ
    فيتمخض على شكل فأر

    بعين الله على هالحياة
    ربي يفرجها قريبا

    كوني بخير دوما يا رب

    ردحذف
  10. أمل:
    أولا خليني أرحب بك في المدونة وبيشرفني مرورك.
    حتى عندكو وعود عالفاضي! على هيك أكيد فيلم عربي انتاجه مشترك :)
    عالعموم ما عاد يهمني بتركها على الله يفرجها من عنده.
    دمت بخير.

    ردحذف
  11. يعني افهم من هيك انك طلعتي من اصحاب الرواتب العالية و ما لحقك زيادة؟؟
    داحمدي ربك في ناس انخسف راتبهم ، الله يخزيهم على هيك سسبنس

    ردحذف
  12. د. وحل:
    لا رواتب عالية ولا بطيخ, شايفلك اللي راتبه عالي زيادته أعلى والمعترين أكلوها.. آخ بس أصلا هاد مش سسبنس هاد فيلم كوميدي..

    ردحذف