05‏/03‏/2011

واااا معتصماه ..

كلمة بالية.. وأكثر من بالية..

وأنا أشعر بالملل! مللت منك ومن خطبتك العصماء.. كلامك المنمق يقرفني ويستحثني على الغثيان!
وصدّقني متى بدأت الكلام أغيّر المحطّة..

تعييني وأنت تحكي عن العابد الذي صلّى ركعته المليونية قبل أن يبلغ العشرين.. وذاك الذي وقف كجذوع الأشجار خاشعاً ليلة كاملة.. كلامك تعلوه الغبرة.. وهذه الصفحة قرأتها لنا آلاف المرات..  

أغرب عني أنت ومثاليتك الفارغة.. ثم هب أن المعتصم عاد.. ستكون عودة فاشلة.. فارساً في زمن اللافروسية.. فالسيوف في المتاحف.. والخيول مرفّهة في الإسطبلات..


تحدث مرة واحدة عني.. وأعطني.. أعطني خطاباً أفهمه.. كلاماً أستوعبه.. عملاً أقدره.. وتوقف عن انتقادي واستعلائي.. آن الأوان كيف تستفيق وتعيش معي في هذا الزمان..

أعرف مسبقاً.. ستتهمني بالكفر والزندقة.. فأنت عاجز عن ردّ كلماتي.. لقد اعتدت التقوقع في تلك الصومعة..  

اذهب فقد خسرت المناظرة...

هناك 16 تعليقًا:

  1. برأيي الإنسان ينظر للمثالية ليس لأنه سيحققها ولكن حتى يقترب منها قدر الإمكان:) تدوينة جميلة شكرا لك.

    ردحذف
  2. اختي العزيزة .
    يسعدني العثور بمدونتك ..
    بالنسبة للمعتصم .. نحن فعلا في حاجة للمعتصم ولكن على الطراز الحديث بدون سيف ولا حصان .. نريده بمعايير اليوم ..لا بمعايير الأمس ..
    دمتي اختي ودام قلمك وتقبلي مروري.

    ردحذف
  3. السلام عليكم
    عزيزتى كيالة اليوم تتكلمين بمرارة وقسوة مما تعانية او بالاصح مما نعانيه فلسنا بحاجة الى معتصم واحد ولكننا بحاجة الى ان تصير الامة كلها معتصم فالامر جد موجع

    ردحذف
  4. حزن من بين سطورك ... و هو مشروع!

    ردحذف
  5. انا فهمتك ...انا فهمتك !!!

    يا ويلك يا ظلام ليلك يا كيكي ...جهنم وبئس المصير :)))

    بتعرفي لسه امبارح كنا بنحكي بالموضوع:
    زوجي وهو طالع ع خطبة و صلاة الجمعه بيقوللي,,, بدك شي؟ انا رايح اغفّي شوي في الجامع ....قصده خلال خطبه الجمعه المكرره والممله !!! لووووول

    ردحذف
  6. المتخاذلين بضلهم ينادو اشي من الماضي لينقذهم لانه يا انه مقتنع انه ما بقدر يغير او انه مأمور انه يقنع الناس انه التغيير مستحيل

    وبما انك بتخالفي بالراي فطبيعي تتهمي بكل الاتهامات و الصفات المعاديه....ويلا كيف فكرك بغلبوكي؟؟؟ بمنطقيه؟؟؟ من وين بدهم يجيبوها

    دائما بحمد ربنا على الشيخ اللي عنّا.....بجنن ما شاء الله عليه بطريقته و طرحه ومواضيعه و ربطها بالاحداث الحاليه

    ردحذف
  7. معبرة كتيييير وجميلة :) استمتعت

    ردحذف
  8. Rana Al Sha'bani :
    رنا أهلا بك وبمرورك الاول يسعدني أن التدوينة أعجبتك وأتمنى أن تتابعينا دائما..


    وجع البنفسج:
    أهلا وسهلا بك.. وتشرفت بمرورك.. كلامك صحيح وهو ما أردت أن أعرضه من خلال السطور.. دمت بود



    مدونة رحلة حياة:
    صدقني نحن لسنا بحاجة للمعتصم المحارب والجيوش الجرارة.. والثورة المصرية العظيمة أفضل وأقوى دليل أن الكلمة الطيبة والصحيحة والمقنعة قد تغير كونا بأكمله..
    دمت بخير

    ردحذف
  9. هيثم:
    حمدلله عالسلامة وإنشاء الله كانت الزيارة موفقة :)
    وجع/ملل/بحاجة لجديد/ كله بشعر فيه دفعة واحدة..
    وهي فرصة للتعبير عما أشعر به لا أكثر ولا أقل..


    نيسان:
    طول عمرك فهيمة :)
    أنا على جهنم (ترانزيت) .. ياااا ويلي :)
    بس بتعرفي ما وقفت على الخطبة تاعت مسجد الحارة, وحتى خطبة الجمعة في الحرم بسمع منها مرات أول 10 دقائق وبسرعة بغير المحطة على قد ما إنها نمطية ومكررة ..

    ردحذف
  10. ويسبر:
    دايما بتحاشى أحكي بموضوع أو أتناقش مع اللي مفكرين حالهم متدينين أو بفهموا بالدين لإنه ببساطة بيغرقك آيات وأحاديث وإنه شو بيفهمك واستغفري الله وما بصير اللي بتحكيه وأنا بحلف عنه يمين إنه مش فاهم نص اللي بحكيه أو حتى مش مقتنع فيه ومرات بحكيلك أحاديث نصها ضعيف ولا موضوع بس ليعزز فكرة نمطية لامنطقية..

    بتذكر مرة حكيت قدام أحد ما إني بحب وبشدة برنامج سلمان العودة لانه الزلمة مثقف وبسيط وما بحكم عالناس وبتقبل أي شي بينحكاله.. فردت علي.. ((أنا زمان كنت أسمع لسلمان العودة في شبابه بس من يوم ما صار متحرر بطلت أسمعله!!!))
    ليش ما الزلمة كلامه فيه إشي جديد وتحليل مختلف صار متحرر!!!


    هناء:
    هلا فيك يا قمر ترى بفرح بس تستمتعي بمدونتي :) زورينا دايما..

    ردحذف
  11. I love this one Kiki
    bs daiman ben5af enna n2ool,m3 inna ben7ess kollna b had el ishy

    ya allah sho fi ashia2 nefsy a2oolha

    ردحذف
  12. مرحبا رين:
    أولا مبروك التخرج وإنشاء الله اللي جاي أحلى وأحلى :)
    كلنا عنا هاد الشعور بس ما فيه حد يسمعنا ويتفهمنا لهيك بنخاف من ردة الفعل وما بنصرح..
    انشاء الله في أيامك الجاي تصادفي حد عنده استعداد يسمع ويفهم وتحكي كل اللي ببالك ..

    ردحذف
  13. عطيني خدك لبوسو (:
    الله عليكِ !
    يعني نفس حالة الغثيان يلي بتصيبني , وبيجيني دوار كوكب عطارد!
    كل خطبة نفس المضمون ونفس النبرة ونفس النمطية ونفس التكرار!
    ياعمي اذا أنت مش قد هالمسؤولية اترك المطرح للأوادم للي بتفهم!
    بعدين في خطباء بينرفزوني كتير , قال في الخطبة الله الله في الفقراء وماحدا ماص دمهم غيرك , بعضهم ساكنين بقصور وماخذين الدنيا بالطول والعرض ونحنا إلنا الله !
    ع قوله أحدهم لما سأل ابنو : شو بدك تطلع بالمستقبل ؟
    قال: شيخ !
    ليش؟
    حتى طلع مصاري كتيره !!
    ::
    هم هيكـ بيقرأ من هالورقة وهلك دينا بـ يا عبادالله و يا عباد الله ..
    ..
    شو بدي قلك يا حلوة احجزيلي معك بجهنم D:
    "
    كل الود (:

    ردحذف
  14. Bullet:
    هههههه.. خليني أبدا من الآخر والله يعيذنا أنا وإنت من جهنم... لا أكيد إلنا الجنة وبس ندخلها إنشاءالله راح أدور عليكي.. بلكن نكون جيران :)

    بس شو طلعت زي ليلى من كوكب عطارد :)

    بس بجد مصيبة! مصيبة لما الشيخ يكون شايفها بس مجرد مهنة.. لإنه هالمنصب أكبر من هيك بكتير.. هالمنصب قيادة وتغيير.. لهيك الناس هي هي ما بتتغير والأخلاق في انحدار تدريجي.. الله يعين اللي بيقصر في هيك مهمة حساسة.. الله يعينه من محاسبة ربه!!

    ألف بوسة إلك ويجعل كل أيامك خير :)

    ردحذف
  15. خلاص،إقلبي المحطة ع ليبيا و إلك خُطب ما إلها مثيل في التاريخ حتى لو دوّرتي بيت بيت، شارع شارع، زنقة زنقة، مستحيل تلاقي أحلى من هيك.
    :-)

    نيجي للجد، سيأتي معتصم و سيأتي صلاح، و سيأتي خالد و سيحررون الإنسان، قد تكون الأسماء مختلفة لكنها نفس المبادئ و نفس السمات، لقد كان في زمانهم ما في زماننا و لكن التاريخ لا يذكرهم و لكنه يذكر المعتصم و يذكر صلاح الدين و يذكر خالد بن الوليد، و لكن علينا أولاً هدم الأصنام و معتقداتها و من يدعونا لعبادتها.

    ردحذف
  16. صالح:
    أولا دعني أرحب بك وبزيارتك الأولى للمدونة والتي أتمنى ن تكون دائمة :)

    سيأتي بالتأكيد من ينقذ هذه الأمة وينصرها هذا وعد الله لنا وسيتحقق لا محالة... لكن ما عنيته فعلا هو الإغراق بالتغني بالماضي واجترار الكلام نفسه والخطاب ذاته والخطب اللتي ما عادت تلهب أحدا ولا تلهم أحدا... نحن بحاجة لمن يتحدث عنا اليوم وعن واقعنا وهمومنا وينصحنا كيف سنتصرف اليوم وغدا..
    دمت بود

    ردحذف