مسا الخير:
والهدف هو توطيد العلاقات المدوناتية.
ولإني طول عمري خوّيفة وما بسترجي ما أعمل الواجب، إليكم الحل:
1. أنا مخلوق غير اجتماعي ما بحب كثرة الزيارات والضيوف والتجمعات وخاصة العائلية.
2. بحب الليل أكثر من النهار، وما بخاف العتمة، وأغلب أعمالي زي القراءة والكتابة في مدونتي بنجزها بالليل .
3. شخصيتي المفضلة ومثلي الأعلى في الطفولة هو " روبن هود "، بالنسبة للبعض حرامي بس بالنسبة إلي صاحب مبدأ.
4. بكره و ( بشدّة ) مشاركة أغراضي الشخصية، وعندي استعداد أتخلص منها لو استعملها غيري.
5. مدمنة على القهوة وخاصة القهوة العربية السّادة، وبعشق الكيك ومستعدة آكل نص القالب في ليلة، وبالمقابل بكره المشروبات الغازيّة بكل أنواعها وبكره البوظا والكنافة وما بطلبهم لو غابو عني سنة.
6. ما عندي فوبيا من الحشرات، وعندي استعداد أجلس في حديقة بيتنا لساعات والنمل يسرح جنبي والعناكب وأم علي والسحلية، عادي جدا، أنا وياهم أصدقاء.
هيك أنا أنجزت الواجب، والمفروض إني أمرره لستة غيري من المدونين، بس بصراحة ما ضل عندي خيارات كتير، مياسي سبق وبعثت لرولا وهيثم ونيسان، وأنا راح أختار:
ردحذف"بكره المشروبات الغازيّة بكل أنواعها وبكره البوظا والكنافة وما بطلبهم لو غابو عني سنة."
حرام عليكي ، يعني الكولا و البيبسي مشيتها ، بس البوظة و الكنافة ،لا هاي كبيرة!!!
:)
مساء الخير كيالة
ردحذفسبحان الله توقعت انو شخصيتك تكون قوية جدا، كتاباتك بدل على هذا الموضوع
ما بتخافي من الحشرات، ما تبخافي النوم في العتمة، بعكس باقي البنات
حتى المثل الأعلى (روبن) الو دلالة كبيرة
المهم انك كنتي صادقة في وصفك لنفسك
كل الود انسة كيالة
مساء الخير انسه كياله
ردحذفانتي اول بنت بعرفها بحياتي ما بتخاف من الحشرات....برافووووو
وكمان اول بنت بعرفها...ما بتحب الاعراس^-^
احييكي على جرأتك بالطرح
يسعد مساكي
يعني الكولا ماشي و الكنافه بنمشيها بصعوبه ...اما البوظه لاااا...انا مشكلتي بالصيف البوظه :$ ما بعرف اعيش بدونها, حتى بالشتا بعمل انا بالبيت :)
ردحذفالحشرات !!! هاي نعمة عفكرة...انا بحب الطبيعه بس ما بقعد كتير بالطبيعه بسبب الحشرات :$
حتى بالافلام بس يجيبو منظر طبيعي و رحلة استكشافات اللي بلفت نظري الحشرات الصغيره اللي بتطير وبتخرب علي منظر الطبيعه :(
انا والعتمه اعداء, بحب الليل بس ما بحب العتمه
شكرا عالتاغ :) قريبا جدا حعمله
الحمدلله حد مثلي بيحبش المناسبات:)
ردحذفبحبش الكنافه مرات بوصل لدرجه بكرهها
والحشرات ما عندي مشكله معها نهائيا كتير متسامحه-الا الناموس صعب اتسامح معاه
والليل نعم بحبه وبحب اشتغل فيه بس هسه والله مش عارفه الموازين مقلوبه
موسوسه!! ممم انا عادي حسب الشغله
وشكرا عالرد السريع
وهذه اضافه جديده الى علاقاتنا التدوينيه الربداويه
اسمكم جداد عالساحه البلوجريه :)
د.محمد
ردحذفيسعد مساك:
والله شو بدي أعمل هيك الله خالقني، يمكن السبب في اني ما بحبهم هو انه فيهم سكر كثييير، وانا ما بفضل السكر، ما شفت بحب القهوة سادة!
وبعدين انت كطبيب لازم تشجعني على هيك تصرف، مش مفروض انه السكر مضر وبيتلف خلايا المخ؟
وعالعموم اعذرني انا نسيتك، انت من زوار مدونتي، علشان هيك انت مكلف بالواجب.
مساك سعيد نادر:
ردحذفبظن انه شخصيتي قوية، هيك الناس بتحكيلي وبحب اصدق هالشي.
اكيد لكل قاعدة شواذ ( مش كل البنات نعنوعات ودلوعات )
اما روبن هود فهاد قصة تانية، ولحد الآن بحبه، ومعزومة قريبا على فيلم روبن هود بالسينما.
شكرا لمرورك ومتابعتك وبستناك تحل الواجب.
مساك سعيد نيسان:
ردحذفهسه صرنا اتنين، اقرئي تعليق مياسي هي كمان بتكره المناسبات وصحبة مع الحشرات.
تسلمي يا رب كلك زوء، ونحن بنستناك على نار تحلي الواجب.
يسعد مساك ويسبر:
ردحذفالحمدلله على هالنعمة، ومع هيك بيزيد وزني من الهوا الطاير لو بحبهم كان شو صار فيي!
بالنسبة للحشرات والعتمة يمكن انا غريبة الاطوار ويمكن انا جريئة ما بعرف لكنها زي ما حكيت نعمة ويارب تلازمني عطول
مساء الخير الآنسه كياله
ردحذفأشكرك على الاختيار وبوعدك يا معلمتي أعمل الواجب في أقرب وقت ممكن انشالله :)
بصراحه أنا متل نيسان استغربت إنك مابتخافي من الحشرات :)
أكيد بشترك معك في حب الليل والعتمه وكمان أنا متلك بحب أنجز أغلب أعمالي في الليل .
بشترك معك في عدم الاهتمام بأكل البوظه والكنافه بس المشروبات الغازيه مستحيل مابقدر أعيش بدونها :)
أما إعجابك بشخصية ( روبن هود ) هي النقطه اللي توقفت عندها كتير وبصراحه اسمحيلي أحييك جدا على هذا الاختيار لكن مع التحفظ على طريقة ( روبن ) بنصرة الفقراء :)
يسعد مساكي
مياسي:
ردحذفاحلى مسا لاحلى قرابة
مش بس اربداوية وكمان صفات مشتركة.
بتسعدني هالاضافة بعلاقتنا التدوينية اللي انشاءالله تدوم بخير على طول.
يسعد مساك أشرف:
ردحذفبيسعدني مرورك الدائم اهلا وسهلا فيك، وما تطول علي بحل الواجب، بستناك.
راح اعيدلك الكلام اللي حكيته لنادر ( لكل قاعدة شواذ ) مش كل البنات خوّيفات ونعنوعات، فيه بنات عندهم شوية جرأة.
احلى شي الشغل بالليل بالهدوء والسكون، اما المشروبات الغازية ما بعرف، ما بيعجبني طعمها.
اما روبن هود كان وما زال مثلي الأعلى، انا دايما بوجدله عذر، هو كان عنده مبدأ وقضية، والسرقة من الأغنياء هي الوسيلة الوحيدة اللي توفرت له، شو بده يعمل يعني؟
انتي مثلي ما احب الحلى والسكريات بكرهم
ردحذفوالحشرات بخاف من بعض لان في حشرات عاديه ماتخوف :)
بس عن جد انك صاحبة شخصية جدية كثير استغرب منك :)
وانتي مثلي ما احب الاعراس والازعاج وغيره احب الهدوء
هههههههه على "خوّيفة وما بسترجي ما أعمل الواجب"
ردحذف1. أنا عكسك بهاي..
2. أنا بحب النهار عشان بخاف من عتمة الليل.. أنا كتير جبانه..
4. أنا زيك بهاي النقطة.. ما بحب أسلف اغراضي لحد.. ولما يرجعولي غرضي أنا بضبو بإيدي مابخليهم همه يرجعو مكان ما كان..
5. كتير بحب الحلو والكيك خاصة كيكة الفانيلا..
6. هههههه ما شاء الله.. أنا بحب الطبيعه بس بخاف من الحشرات :)
سعدت بمعرفتك أكتر انسه كياله :)