23‏/06‏/2012

ثلاثون.. (10)

أمّــا بـعــد..

حكايتي ليست طويلة.. وليست غريبة.. مع إهمال بعض التفاصيل.. رويت لكم كلّ ما فيها..
لا أريد أن أبدو كم يضع الاستنتاجات النهائية.. فأنا لم أختم حياتي بعد!

لذلك سأجعل من كل الفصول السالفة مقدمة لحكاية أخرى.. وأستأنف..
أمّــا بـعــد..

قد أقضي غداً أو بعد غد.. أو قد أعمّر ثلاثين أخرى..
فماذا عساي أفعل فيها؟
لن أدّعي بأنني فارس.. فما أنا بفارس.. لكنّني..

سأعفو.. فكل ذكرى بالية ألمّت بي سأزمّها في خرقة بالية وألقيها في نهر.. ولن أجترّ المزيد..
فأنا ورغم ما مررت به قد نجوت! جميعنا ننجو في النهاية!
وإن كنت قد تجرّأت على والديّ وذكرتهما بسوء.. فسأعذرهما.. فهذا كان جلّ ما يعرفانه..
فقد كانا كثيري المشاغل.. كثيري الهموم..

سأقف..
فأنا منذ ثلاثين عاماً أحبو.. وآن الأوان لأقف..
سأخطو كل يوم ولو خطوة تجاه أمر جديد..
سأخطئ لا محالة.. لكنني لن أتردّد أكثر ..  

سأعرف..
فأنا كلّما عرفت شيئاً جديداً شعرت وكأنني ولدت من جديد..
سأفهم أكثر.. وسأبحث أكثر.. عن نفسي وعن روحي وعن ربّي..

سأعيش..
سأحب..
سأرتقي..
سأتغيّر..

سأرضى.. فما عاد للسخط عليّ من سبيل.. ولتفعل بي الأيام ما تشاء..

وليكن كلّ يوم مقدمة  ليوم جديد.. أبدأه بسعي جديد.. وأختمه بأمّا بعد..

انتهت

هناك 14 تعليقًا:

  1. أعجبتني كثيرا فقد كنت أعيش في حالة سخط دائم ولكن فقت منه وتمردت عليه ولله الحمد وها أنا في الأربعين وأبدأ من جديد تحياتي

    ردحذف
    الردود
    1. أخت كريمة شكرا لمرورك, وسعيدة لما وصلت له من رضا وبداية جديدة.
      ليجعل المرء من كل يوم بداية جديدة ولم لا؟
      دمت بخير

      حذف
  2. سأعفو؟
    لا لا تعفو يا شيخ
    إحكيله في ناس "طالما إنها أتعمدت تأذيك" أبتستاهلش تخليها تنام مرتاحه الضمير

    إرضى,عيش,جرب,غامر,تخليش عتبه ال "عمر" توقف قدامك
    وشو هيه ال 30 أو 40, أو 50؟
    مش نهاية زمن ولا نهاية حكاية
    وإزا "إحنا" إعتبرناها نهاية منروح مندفن حالنا بالحيا أحسنلنا

    كتير ناسات بلشو حياتهم بعد العمر الطبيعي للإنجاز "العشرينات"
    لسه في أمل

    صباحك خير فارس :)

    ردحذف
    الردود
    1. أم عمر...

      دائماً تكره العفو :-)

      صديقتي... اتمنى من الله تعالى ان يذيقكِ لذة "العفو عند المقدرة"

      وان يحمي لكِ طفليكِ... وان يبعد عنكِ كل اذى زمكروه فلا تضطري لمواجهة ما تسألين نفسكِ هل تعفين عنه أم لا :-)

      بحيرة البجع

      حذف
    2. تسلمي من كل شر
      بس قديشها صعبه تعيشي أيام وليالي وإنتي مظلومه عن قصد,أو مضهدة أو حتى مجلوطه ع حدن بتحبيه إنظلم؟وبعد هيك كيف فيكي تسامحي ؟

      إحنا مش أجهزه,نعمل " إزالة" للغل اللي ترتب جوانتنا!

      أنا من البشر اللي بتحمل بقلبها ع اللي بتعمد إساءتها أو إساءة أي حدن من أحبابها

      أهلين فيكي يا بحيره :)

      حذف
    3. أم عمر صاحك سكر :)
      شوفي أنا لفترة طويلة جدا كنت أحمل في قلبي وأزعل بشدة وأظل استرجع المواقف وأسب وألعن.. وبعدين اكتشفت إني ما بزعل غير حالي وما بأذي غير حالي والناس اللي بتزعلك بالعادة ما بتندم ولا بتعتذر!
      لذلك صرت أرمي ورا ظهري بجد, وحتى لو ما سامحت من قلبي بس بانساهم وما بشغل فكري فيهم. أنا ببساطة بعمل (delete)!!
      إنتي جربي ومرة ورا مرة بتتعودي.

      أهلين إم عمر :)

      حذف
    4. بالضبط :-)

      متل ما حكت كيالة تماماً...

      هاد من جهة، ومن جهة أخرى، في شي انا اكتشفتو اسمو Self Growth

      هاد تعلمتو من قصة وحدة صاحبتي (اذا بدكم بحكيلكم القصة باختصار)... الحقد والغل نقطة ضعف انسانية... لكن اذا بتجربي انك تعفي (بس عفو القوي هه... مش عفو المطفوس!) رح تحسي بشعور خرافي... انك تتغلبي على عدو اشي جداً رائع... بس انك تتغلبي على نفسك وتنتصري عليها اشي لسا اروع بكتير :-)

      مشان هيك دعيتلك انو ربنا سبحانه وتعالى يذيقك نعمة "العفو عند المقدرة" :-)

      ومسائك ومساء صاحبة المدونة الراقية فل وياسمين :-)

      بحيرة البجع

      حذف
    5. بحيرة البجع :)
      شكرا لكلامك الجميل و المشجع والله يجعلنا جميعا من العافين عند المقدرة وخصوصي إم عمر :)
      مسائك سعيد

      حذف
    6. هلأ العفو غير السماح والتسامح وترجعيه ل حياتك ويرجع متل ما كان قبل ما يخطأ "متعمداً" فيكي

      أصلاتن مابتزكر هدول الأشخاص واللي عموله إلا أزا أجت سيرته
      وساعتها بحكي "حسبي الله ونعم الوكيل وباخد حقي منهم قدام ربنا"

      كيكي,, الأذى صعب
      والتعمد أصعب,والتحاقر أزنخ وأزنخ
      ليش أمنحه ميزه " إني سامحته" وأخليه يعيش مرتاح الضمير أو أخلي حياته مرتاحه بلا ما أضل أطلب من ربنا يجبلي حقي ع الأذى اللي تسببلي منه

      وترى فيني شغله,مش عارفه هيه كويسه يما لأ
      اللي بخطأ فيني بحكيله بوجهه "حقي باخده منك قدام رب العباد,ومن هون ف لوقتها و بوقتها منيش مسامحاك"

      انا مش حقوده,ولاني بتزكرهم 24ساعه ونازله أندب حظي
      بس إن أجت سيرتهم,يا ويل أطلسهم
      هههههههههه

      سيبكو مني,عقد على كلاكيع مكلكعه

      حذف
    7. إم عمر سلامتك من العقد والكلاكيع :)
      أنا أكيد ما برفض وجهة نظرك ومعك حق الأذى صعب, بس أنا ما عدت أفكر باللي آذوني وإن إجت سيرتهم بحكي الله يسامح الجميع, ما برجعهم هيك على حياي ببساطة بس بسلم عليهم أو بتعامل معهم رسمي لما اضطر وكافي.
      أنا بحاول أعفي عن الناس وأتجاوز على أمل كمان ربنا يبعثلي مين يعفي عني ويتجاوز, كمان إحنا بنغلط بحق الناس.
      الله يسعدك ويخليكي إم عمر :)

      حذف
  3. سأعفو
    سأقف
    سأعيش
    سأحب
    سأرضى

    ممتاز ...المهم ان لا ننتظر , لاننتظر احد ليسعدنا لا ننتظر احد ليتكرم علينا او يعطينا...لا ننتظر حدث معين لنفرح بحياتنا ...لنعيش ببساطه يوم بيوم ولنتصرف مع كل موقف على حده ...ونعيش :)

    "بأنتظار" الحكايات الاخرى هههههههههههههه

    ردحذف
    الردود
    1. وأنا كمان هيك بحكي, إسعد نفسك بنفسك, المهم تكون راضي عن نفسك في نهاية اليوم وما تنتظر حسنة حد :)
      صباحك عسل :)

      حذف
  4. هلأ قرارات مصيريه جميله و حتخلي الحياه تشرق من جديد...بس هاتي مين يطبقها و مين يرضى و يتقبّل هالطريق


    غير انو هالقرارات بتعني نهاية السلسله اللي كنا نستنى جديدها... وحسب ما بعرفك شكلك ناوية تطولي علينا :(

    مش عاجبتني قرارات فارس...خليه يعيد التفكير او يخبرنا عن تطبيق كل قرار على حدى :)

    ردحذف
  5. أولا بوعدك إني ما راح أطول :)
    ثانيا فارس طولها شوي و زهقنا بذكرياته خلاص بيكفيه :)

    من البداية فارس حكى إنه بده يحكي ذكرياته اللي أرقته ويرميها ورا ظهره ويثور (زي الثورات العربية) ويتغير, وهو وقف مع نفسه لحظة وهو شاعر إنه وصل نص عمره ولازم يعمل إشي, يا يظل يتذكر يا يتغير, يمكن تبين القرارات مثالية وصعبة التحقيق بس عالأقل الواحد بيحدث نفسه بالتغيير وينوي حتى لو ما صار التغيير سريع..

    بس ليش لأ يمكن يرجع فارس يحكيلنا كمان شو صار معه عال35 ولا ال40 !!

    أنا مش من الأشخاص المتشائمين أو خليني أحكي أنا كنت من المتشائمين فترة طويلة وملّيت وقررت أتغير وأرضى وأتقبل, يمكن أنا ما طبقت فعليا من قرارات فارس أكثر من (سأعفو, سأرضى) لكن بتمنى أكون مثله عندي جرأة وبالنسبة إلي اللي قرّره ممكن :)

    مساءك سعيد وشكرا لمرورك

    ردحذف