على مقعد السنة الإعدادية الأخيرة.. والأشواق تملؤني وغداً أنهي الثانوية وبعده..
تأخذني الأحلام.. وسأصبح وسأصبح.. وأكاد أسمع أحلام كل من حولي..
فرح وعبير مهندسات.. سلمى وليلى ممرضات أو طبيبات.. رانيا شرطية أو موظفة.. وحتى "أحلام".. كانت تملؤها الأحلام..
كانت تجلس بعيدة عني قليلاً.. في الدرج الثاني قريباً من الشباك.. في الواقع لم أكن أعرفها جيداً.. وكان أمراً مخجلاَ.. عرفتها فقط يوم ودّعت أحلامها.. وودّعتنا بعيون تملؤها الدموع..
والدها الشرير.. سيزوّجها بعد أيام.. هو ممن يؤمنون بزواج الصغيرات.. نعم كنّا مراهقات لكن ما زلنا صغيرات.. وهو.. إنه شرير.. متسلط.. حقير.. قاتل.. لم يأبه برفضها أو رفضنا.. وفعل فعلته!
مالنا وهؤلاء الرجال؟ كانوا عالماً آخر.. كان الزواج فكرة مرعبة ومقرفة في ذات الوقت.. أسفنا لحالها وبكينا بحرقة مثلما بكت... وغادرت بلا رجعة..
مرت أيام.. ومنا من ركب حلمه ومنا من فاته..
أما أحلام فلم أسمع عنها شيئاً منذ ذاك اليوم..
.. منذ أيام.. تحدثت مع مراهقات بعمر أحلام.. فسألتهن عن الأحلام..
فرح وسلمى يحلمن بأن يصبحن جميلات.. وليلى وعبير يحلمن بأن يستيقظن متزوجات..
أحلام تحلم بقصر "آل أوغلو" والمصباح السحري.. وهناء تبكي بحرقة.. فهي لم تجد ال(بوي فرند) بعد..
والدي شرير.. رجعي.. معقدّ.. ما أدراه ما الحب؟ يرفض تزويجي! هل تصدقين؟
تلوت عليهنّ قصة أحلام.. فضحكن من سذاجتي.. أين ألقت بي الأحلام؟ وأين صارت اليوم أحلام..
تنهّدنا بعمق.. أغلقنا عيوننا.. تصوّرن أحلام وأنا تذكّرتها.. هنّ ابتسمن وأنا عبست.. هن تمنين أن يكنّ مكانها..
وأنا تمنّيت لو عرفت.. ماذا حلّ بالأحلام؟
صباح الخير
ردحذفاولا ساعترض على الفقرة التالية
والدها الشرير.. سيزوّجها بعد أيام.. هو ممن يؤمنون بزواج الصغيرات.. نعم كنّا مراهقات لكن ما زلنا صغيرات.. وهو.. إنه شرير.. متسلط.. حقير.. قاتل.. لم يأبه برفضها أو رفضنا.. وفعل فعلته!
مع انني ضد الزواج المبكر لا للفتاة ولا للشاب
ولكن قد كان ابوها يخشى من عنوستها تلك الايام كما تخشى الفتيّات من عنوستهن هذه الايام ... وانا لا اعمم ولكن احاول ان اربط ما تقولينه وهو صحيح....ان الآن الفتاة هي التي يقاقها الموضوع اكثر من اهلها ...وهو عكس ما كان سابقا
ادرك معك حجم المشكلة وما اردت ان توصليه ولكني لا زلت مقتنع انك بالغت في وصف حالة الاب وقد تكوني قلتِ فيه ما لا يستحق
دمتِ بخير
صباحك سعيد يوسف:
ردحذفما قلته في حق الأب هو ما قالته بنات الخامسة عشرة في ذاك اليوم.. هذا ما كنا نعتقد وذاك كان شعورنا نحوه.. أحلام شخصية حقيقية وكانت زميلتي في الصف وأظن أننا يوم ودعناها قلنا حتى أسوأمن ذلك وأنا شخصيا دعوت عليه بالموت!
أما اليوم فمشاعري مختلفة وأنا أسمع من الصغيرات لهفتهن تجاه الحب والزواج..
أضف أنني تعلمت الكثير عن ظروف الناس وحياتهم وربما كان قرار الولد صائباأو اضطراريا..
لا أدري فأنا حتى اليوم لا أعرف شيئا عن مصير أحلام.
لاتعرفين كم اكره زواج الصغيرات
ردحذفومع الأسف هناك من لايزال يفكر بهذه الطريقة حتى هذا اليوم
احلام مثلها الكثيرات في مجتمعنا وايضا هناك القصص العجب والمحزنة المبكية في كثير من الأحيان
الحمد لله اهلي ليس من هذا النوع ولكن حينما اسمع مثل هذه القصص ازداد غيضا وقهرا. لاحيلة للبنت سوى ان تبكي
لاتستطيع ان تهرب بسبب سمعتها وسمعة اهلها
لاتستطيع الرفض حتى وان رفضت قاموا بهانتها وايضا ضربها فقط لكونها انثى صغيرة
والفتيات في هذا الزمان هناك منهن الكثيرات اللواتي يردن الزواج فقط لكونهن قد تأثرن بما يرونه في التلفاز ونسين اهم شيء المسؤولية
احلام نموذج ولكن انا مبسوطه للنظره المختلفه للموضوع مع العمر مع انه ماف مبرر لزواج الصغيرات
ردحذفلفت نظري تحليلك لاححلام الصبيات في عالم اليوم
لطالما تسالت ما الذي يحلمن به وما الذي يثير فضولهن
استغرب مثلا لمتابعه اختي الصغري لبرانج المصارعه و الاغاني الغربيه
ولطالما حاولت مد جسور التواصل ولكن ..
تشكري كياله علي الموضوع الجميل
همممم اعتقد انها وجهة نظر ليس الا ، أنا لست مع و لا ضد ، فالموضوع يعتمد على البيئة و المنطقة
ردحذفذكرتيني بيوم ما تركت صاحبتي المدرسه قبل امتحانات التوجيهي باشهر لان اهلها وافقو على العريس و بتذكر لمّا ودعتنا و هي بتبكي و احنا بنبكي و مصدومين ولكن للحق مش متذكره انّا حكينا شي عن اهلها بس كان احساسي انهم مجرمين :)
ردحذفحاليا من وجهة نظر كبيرات العمر بعيلتنا وخصوصا عمّاتي انو لو اهلي رضيو يزوجوني من الثالث عدادي مش كان احسنلي من تكميل تعليمي و قعدتي هلأ :)
طالب الصف الرابع اللي بدرسه لمّا سألته شو نفسك تعمل بس تكبر, بحكيلي اروح عالبحر و اخد الارجيله معي و اخد حبيبتي....حكيتله قصدك خطيبتك او مرتك؟؟؟ بحكيلي لااااااااا حبيبتي مرتي مكانها البيت!!!
و قلبنا من درس رياضيات لدرس دين :)
منرجع ل نفس النقطه,, الإختلاف بينا وبين الجيل اللي رح يطلع كبير و واسع
ردحذفأكبر حلم كان عنا" نلعب ما الكابتن ماجد" هيك بتزكر,, هلأ إبن 3 سنوات بده يطلع مشوار مع " نور" بطله المسلسل التركي
صباح الخير يا حلوه
معلش يا كيكي
ردحذفبس بنات هالجيل...:)) خليهم يتجوزوا احسن لهم والنا
يعني من عمر 14 بتبدا بحواجبها على 15 سنه بتحفظ ماركات الماكياج اكتر من حفظها لقصيده في كتاب اللغه العربيه ,على 16 سنه بتكون ختمت منهاج الصبغات والميش ...على 18 بتكون جاهزه للعريس.
الي ما الها ميل للدراسه ومش شاطره بالمدرسه...تتزوج بدري لما يجي عريس مناسب...مش غلط .
عارفه اني شتيت عن الموضوع...الفرق بين احلامنا واحلامهم....مهو معهم حق...من اللي بيشوفوه في المسلسلات التركيه.
لو شو ما كان بنت ال14 ة ال 15 و حتى ال17 لسة طفلة،أنا ما بفهم كيف في ناس بيرضوا بهاد الاشي! يعني لسة عقلها ما اكتمل لسة تجربتها بالحياة ما بدت لسة ما شافت من الدنيا اشي كيف بدها تصير مسؤولة عن عيلة و اطفال هاي حدا يفهمني!!!!
ردحذفهاد هو الاصل و البداية للتخلف اللي احنا عايشين فيه،لما نتساهل بانو طفلة تتجاوز و تفشّق عن 3 أو 4 مراحل من حياتها و تنط للزواج و للأمومة و الناتج عائلة بتطلع متل الام طبعاً...سطحية و غير ناضجة
طبيعي بنت ال14 و ال15 هالايام تشغلها فكرة الحب و الزواج بيكفي المسلسلات و الافلام اللي بيحضروها،بس هاد لا يعني انو لازم نزتهم بالعكس واجبنا نحميهم و نفهّمهم شو المهم بالحياة!
أنا شخصيا هاد بالنسبة الي جريمة و مقتنعة كليا انه البنات اللي بيتزوجوا بهاي السن ما بيعرفوا شو بدهم لسة و ما حد اعطاهم الفرصة اصلا ليعرفوا
White Freedom:
ردحذفمرحبا بك:)
زواج الصغيرات ظلم للبنات خاصة وأن البنت كما قلت لا تملك حق الرفض.. الحمدلله الذي أنعم علينا بأهل متفهمين و واعين أعانونا على تحقيق أحلامنا.
sab7al5air :
شكرا لمرورك :)
أحلام البنات اليوم مختلفة.. أعتقد أن الكثير منهن تأثرن بالمسلسلات التركية ويحلمن بحالة حب دون وعي لما يتبع ذلك من مسؤوليات ومهام.
دمت بود
د. وحل:
لن أخالفك الرأي.. أعتقد أحيانا أن الأمر يتعدى تسلط الآباء وتتحكم الظروف الإقتصادية والاجتماعية
مساءك سعيد
ويسبر:
ردحذفأنا يوم ما ودعت هالبنت ما تركت مسبة إلا وحكيتها لإنها يا حرام كانت مقهورة وما بدها (:
لو كنت عملت زي ما حكو كبيرات العمر كان تعقدتي وحكيتي لو غني درست .. من الناحيتين نفس النتيجة :)
أما ابن الصف الرابع هاد فشكله متأثر ب (مطلوب رجال) و (العشق الممنوع) لمنه صار يميز صاحبتي ومرتي!!
لا حول ولا قوة إلا بالله!!
أم عمر:
" نلعب مع الكابتن ماجد"؟؟
أنا كنت أحلم أصير من شلة روبن هود وأعيش بغابات (شير ودز) :)
عالعموم إحنا كان تأثرنا بالكرتون وما كنا نهتم للمسلسلات زي جيل هاليومين ما بخلوا مسلسل يعتب عليهم!
صباحك سكر :)
نيسان:
ردحذفشكله رأيك من رأي الوالدة، بتضلها تحكي (بنات مش مصليات عالنبي)..
عالعموم إنت ما طلعت عن الموضوع هاد هو أصل الموضوع.. بتذكر أهالينا كانوا يشجعونا عالدراسة ويراقبونا شو بنشوف بالتلفزيون ويمنعونا عن اي مسلسل غير مناسب..ورغم هيك كانت المسلسلات محتشمة والمسلسلات المصرية كانت سخيفة على قد ما هي مثالية..
لكن بنات اليوم عايشين عالتركي تأثروا فيه.. وبرضه الأهل إلهم دور هسه بنت ال14 مين اشترالها المكياج واخدها للصالون لتحط الصبغات؟
الله يكون بالعون
رين:
كلامك مزبوط وما عندي تعليق أضيفه.. وبزيد إنه الواحد بياخد وقت ليفهم الدنيا كيف ماشية.. حتى بعد ما اتخرجنا من الجامعات حسيت إنا لسه هبايل وصغار وما بنعرف نتصرف ومرت كمن سنة بعد هيك لحسيت إني جد واعية وبتحمل مسؤولية..
مسائك سعيد..
عمر 18 سنه هو سن الرشد (بلاش بنظرنا نحن العالم المتخلف).....بنظر العالم المتقدم اللي بيشجع البنات والشباب انهم ينفصلوا عن اهلهم ويستقلوا ماديا واجتماعياً في هذا العمر.
ردحذفوما في عمر مناسب حتى تكون البنت مستعده تماماً لمسؤوليات الزواج تماما ....من 18 ل 28 ل 38 ...البنات بيواجهوا نفس الصدمه اول ما يتزوجوا.
في بنات بعرفهم تزوجوا بعد الثلاثين وأولها قعدوا يعيطوا زي الصغار لانهم انصدموا بالمسؤوليه,,,وفي بنات تزوجوا مباشره بعد التوجيهي وكملوا البكالوريوس والماجستير وهم متزوجين وعندهم بيبيات.
...كمان السطحيه ما لها علاقه بعمر البنت.
انا ما بشجع انه الاهل يجبروا بناتهم المتفوقات يتركوا المدرسه ويتزوجوا من عمر صغير...لكن اذا البنت مثلاً رسبت بالتوجيهي مره ومرتين والاهل لقوا انها ميّاله للزواج وتوفر العريس المناسب...ليش لأ؟؟؟
كل الي بعرفه ..انو الي بتتزوج بدري بتندم ...أكيد رح تندم
ردحذفأنا بقول تدرس جامعه وتشتغل وبعدين تفكر تتزوج ..مع انها على كل الاحوال رح تندم
مش عارفه شو مالني انا صايره من مؤيدي عدم الزواج (شغله مش جايبه تعبها )))وقول عني ما تقول ..
تغيرت المقاييس
ردحذفواختلفت الأحلام
وتغاير الطموح
فاصبح اقصى طموحهم ان يكن امهات
:)
نحن جيل مختلف اردنا ان نصنع الفرق بمجتمعاتنا
ان نؤدي دورنا على جميع الأصعده
ان نثبت للعالم بأننا اهلا لنكون شيئا مميزا لا نسيا منسيا
وضعهم مختلف
لم يخوضوا تلك المعارك الضاريه لكسب حق اخذ منهم
حرية كلمه
اثبات وجود
تتوقعين احلامهم بيكون لها نفس عمق احلامنا
:)
صباحج خير ومحبه يارب
ما عندي إضافة :)
ردحذفبس شكرا ً كيكي
أحلام"نا" ستبقى و "قد" تتحقق
شكرا ً للتعليقات كمان
نيسانة
ردحذفمش عارفة ليش حسيت تعليقك ردّ عتعليقي :)
أولا بلاش خلينا نقول القصة مش قصة عمر،بس انتِ منطقيا قوليلي بنت ال15 شو التجارب اللي عاشتها؟شو بتعرف عن الدنيا؟؟
طبعا اي حدا بتتغير حياته رح يتغير أو يخاف مهما كان عمره،بس المهم هو ردة فعل البني ادم بعد هيك..كيف هالبنت رح تربي اطفال؟كيف رح تدير بيتها؟
و بالنسبة لسن ال18 انا كنت افكر انا عم نحكي عن سن اصغر من هيك بس بكل الحالات انا شخصيا بشوف الموضوع نسبي في ناس بينضجوا من سن ال14 حتى،مشكاتنا مش بالنضوج العقلي مشكلتنا باتخاذ الخيار الصحيح مشكلتنا بهالبني ادمة اخدت حقها باعتبار كل الخيارات و بعدين تقرير الاحسن لالها منهم؟ولا انعرضت عليها خيارات محدودة و هي "حست" انها كانت تميل لواحد اكتر من التاني؟؟؟
الفكرة اللي كنت احكي عنها انه هالبنت لسة ما شافت من الدنيا اشي و ما بتعرف شو بدها و لسة ما قررت مين هي،الدنيا اكبر بكتير و الواحد بيوصل 60 سنة و هو لسة مو شايف اشي فاحنا بنضيع عليها فرصة في انها تعيش حياة تانية رح تبدع فيها اذا حددنا خياراتها بالزواج و هيك طبعا حتكون اسرتها سطحية لأنه اساس معرفتها عن الحياة سطحي
بالنسبة للي بيكملوا تعليم و همه متزوجين فهاي تجربة تانية تماما...انا شخصيا ما بقتنع فيها نهائيا
و بالنسبة للي رسبت توجيهي مرتين هي صار عمرها 20 يعني أشوى..بس برضه التعليم و العلم مش كلشي بالدنيا و زي ما حكيت ممكن تكتشف اشياء كتير تلاقي فيها فرصة الها تعيش حياة تانية
و بهالعمرر بتصور صارت حرة...اذا هلقد قاتلة حالها تتزوج فالله يوفق نتسفّق
رينو,,,
ردحذفبعيداً عن الجدل البيزنطي تبعنا...مبروك الصوره الجديده....نقزتيني ,ما عرفتك فكرتك مدونه جديده قبل ما انتبه عالاسم...روحي طيري :))
LOOOOOOL
ردحذف7abbabeh enty <3
:***
نيسان:
ردحذفبما إنه النقاش بين وبين رين فما راح اتدخل, بس بماإنك حكيتي إنه الكل بنصدم في النهاية فخلي الصدمة مؤجلة شوي بلاش نندفس من عمر صغير :)
خلود:
كل الزواج مش جايب همه!!!
هسه بتزعل نيسان :)
شكرا لمرورك
الزين:
ردحذفسعيدة بمرورك وتواصلك :)
كلامك فيه الكثير من الصحة, أحلامنا بقدر طموحاتنا وبقدر ما كنا نتمنى أن نغير من واقعنا... جيل اليوم مرفه ويملك كلما يريد يصعب عليه أن يحلم أحلاما عظيمة..
يسعد مساك :)
هيثم:
شكرا لك ولمرورك.. إن شاء الله بتتحقق أحلام الجميع..
ومساؤك سعيد :)
رجعتيني لما مضى ..
ردحذفأنا نفس الشي لما كان عمري 15 كانت صديقتي " إجى نصيبها" .. وكلنا بالصف انصدمنا !
لما حكتلي قلت لها : ليش؟؟ والله لو منك بحرق حالي !
بس بعيونها حزن ونظرات يأس ..
::
كنت بتواصل معها وكانت احياناً بتجي تزورني بالبيت ..
هيّ طبعا ما كمّلت دراسة وأنا اليوم تخرجت ..
كل مرة بتجي يا بشوفها حامل أو زاد عدد ولادها!!
ولما بحكيلها يلا تحملي شو بدك تعملي.. بتحكيلي ياريت حرقت حالي !!
::
والمضحك المبكي أنو لما بيشوفوا أهلي ولادها, قال ( تتقطع نياط قلب امي عليّ ) !!
وبيبلشوا يعيرونا لأنو كمان زوجة اخي , تزوجت وعمرها 18 !
وللأمانة ومع احترامي إلها .. بحس بعدها هبلة وفيها طفولة إذا أنا أكبر منها وبحس حالي هيك!
ومابتتخيلي كيف اذا صار شي أو غلطت أو مرض ابنها ,كيف حجم الملامة والمسؤلية اللي بيحطوها عليها!
::
مهما يكُن هذه جريمة ولا أقبل أن أكون ضحية بس مشان خاطر أهلي أو ظروف اقتصادية واجتماعية ...