كيف؟

كيف ممكن تحطم أيقونة جماليّة عاشت من آلاف السنين وركعت القياصرة على بابها؟

صباحكم فل من وسط البلد - إربد

القراءة للجميع

 تبدأ غداً فعاليات مهرجان القراءة للجميع في جميع محافظات المملكة ولمدة خمسة أيام.

تباع الكتب بـ 25 أو 35 قرشاً.

للتعرف على عناوين الكتب ومراكز البيع:

http://culture.gov.jo/index.php?option=com_content&view=article&id=4824&lang=ar

فيلم أمريكي طويل

عزيزتي الحكومة..

عندما قضيت الشهور الطوال في الترويج لفيلم القرن.. (( إعادة هيكلة التنـّين في رفع رواتب الموظفين ))..

وتراصصنا بالطوابير أمام شباك التذاكر..

وحبسنا الأنفاس.. بانتظار المخرجات الخرافيّة..

وتابعنا البطل يحاول فك الشيفرة الخنفشاريّة.. 

لينقذ العالم من انفجار كوني محقق..

ويضرب بأنامله مفاتيح الحاسوب بسرعة فائقة..

والعمليات الحسابية المعقدة تتسارع على الشاشة..

وتضرب الأساسات بالعلاوات وتطرح العشرات من الخصومات..

والعرق يتصبّب.. وقد بلغت القلوب الحناجر..

وهبطت المخلوقات الفضائيّة..

وفجأة..

وفي غمرة اللامنطقية والكآبة..

إذ بالسر ينكشف.. وإذ بالرقم الغامض ينعرف..

(12) ديـنــــار...

والذي لا يكفي لشراء فردة (حفـّـاية)..

عندها فقط.. ومع هذه النهاية (الهولووديّة)..

كان لزاماً علي أن أقف وأصفق وأصفق وأصفق لهذه العبقريّة..

وأنا أنشد بحماسة أغنية النهاية..

حكومتنا الرّشيدة.. لاكتب فيكي قصيدة.. شو ما قلتي.. شو ما عملتي.. صفـّينا عالحديدة..

و لولولولولولووووووولييييييش !


تنويه:
كلمة (حفـّـاية) تعني شيء ما يلبس في القدم وهي ترادف كل من الكلمات التالية:
خفّ.. شبشب.. بُلغة...  إلخ

Break

مساء الخير.

من أيام وصلتني  صورة عالإيميل لدليل الهاتف الأردني في عام 1965، يمكن الإيميل سبق ووصل لبعضكم بس رغم هيك حبيت أشارككم بالصورة. 

هالصورة ضحكتني كثير وخلتني أسترجع ذكريات الطفولة مع التلفون الأرضي.. متذكرينه؟

متذكرين القرص المدوّر ياللّي بيلف لمّا نطلب الأرقام؟

متذكرين صوت الحرارة؟

متذكرين لما كنّا نحكي التلفون بيرسل ما بيستقبل.. أو ما فيه حرارة؟

متذكرين لما كان التلفون 6 أرقام بعدين زادوه لصار 7؟

متذكرين لما كنّا إحنا الوحيدين بالحارة عنّا تلفون وكل الجيران تيجي تحكي من عنّا؟ 

متذكرين لما كنا ناخد التلفون عالغرفة ونحكي مع الأصحاب والحبايب بالساعات وإحنا جالسين؟ وركزوا على جالسين مو ماشيين ولا بنركض.

أبو صلاح .. البرّاني.. الجوّاني..

كم واحد فينا بيعرف أبو صلاح ولا ساكن جنبه.. يمكن أبو صلاح عمه أو حتى ساكن معه..

أبو صلاح.. عارفينه؟

أبو صلاح اللي بيشحتف أولاده كل يوم الصبح عالربع ليرة وبيروّح الظهر عازم 40 نفر على 100 كيلو لحم بلدي..

أبو صلاح اللي عمره ما سمّع مرته ولاّ حد من أولاده كلمة تسر ولا دعوة بالخير وذبحنا مدائح بأبو العبد وأبو محمد وغزليات بأولاد عايد وجادالله..

أبو صلاح اللي بيكون أول واحد بالجاهات والعزايم وبيوت الأجر وآخر واحد بيخذ أولاده عن باب المدرسة.. هاد إذا أخذهم أصلاً وما رجعوا مشي..

أبو صلاح اللي كل الناس بتستناه بالسهرات وبتتمناه بالطشّات.. وأولاده بستنوا على نار ليطلع من الدّار ولا يروح ينام ليرتاحوا منه شوي..

عارفينه؟

درامــــــــــا

للأردنيين فقط

Typical Jordanian.